[ دروس تصوير ] تصوير القمر

تصوير القمر

القمر يتشارك فيه كل المصورين مثله مثل الغروب أو النجوم

وكثير من المصورين يكون عنده في ألبومه أو الأرشيف الخاص به صورة للقمر أو مجموعة صور

وبحكم اننا في وسط الشهر فحلو اننا نشوف مع بعض طريقة تصوير القمر

التجهيز للتصوير

فيه كثيرين يقولون ما نقدر نصور القمر إلا إذا كانت عندنا عدة خااصة ولازم نستخدم عدسة زي أغلى عدسة في العالم

وأنا أبحث في الانترنت لكتابة هذا الدرس لقيت واحد يلعب على أخوياه ويقول ترى لازم معكم زي هذي العدسة والا ترى ما تقدر تشوف القمر أصلاً !!!

في حال انكم شفتوا نفس الموضوع .. نصيحتي لكم طنشوه

تقدرون تصورون القمر بالأدوات التالية:

١- معرفة وقت التصوير (أساسي)

٢- كاميرا (أساسي)

٣- عدسة تيلي فوتو (Tele-photo) أو يسميها البعض زووم (أساسي – في حالة رغبتك بصور واضحة للقمر)

٤- حامل ثلاثي أو أي أداة لتثبيت الكاميرا (أساسي)

٥- ريموت كنترول (يفضل وجوده)

٦- اختيار وقت مناسب للتصوير (يفضل وقت السماء تكون صافية)

القمر

هو القمر اللي نشوفه في السماء (وش رايكم ؟ وضحته لكم صح؟)

عشان نصور القمر بطريقة رائعة يهمنا نعرف الوقت المناسب لتصوير القمر

القمر ممكن نصوره بأي وقت .. بس هل بيكون مثل روعته لو صورناه وهو هلال ؟ أو بدر ؟

شوفوا الصور هذي

أو

أو

أو

فيه كثير من المصورين ما يحب يصور البدر أو القمر وهو مكتمل ويحب يصوره وهو هلال أو في أي مرحلة بين الهلال والبدر

والسبب ان التفاصيل تبين أكثر في المراحل اللي ما يكتمل فيه القمر.

في بعض الأحيان نشوف القمر كبيـــر وقريب من الأفق

وأحياناً نشوف القمر صغير ومتوسط في السماء

أكيد كل ما كان القمر أكبر وأقرب للأفق كل ما كانت الصورة أفضل

بس متى ؟

هذا الموقع يبين لك متى وقت ظهور القمر بالوقت على حسب كل مدينة

كل اللي عليك انك بس تختار المدينة وتضغط على See moonrise/moonset

أنا اخترت طوكيو بحكم اني فيها الحين

((يعني ما عندك عج وكل شوي يطفي الكهرب عليك يا نصااااااب))

وبعدها مباشرة بتشوف الوقت اللي بيطلع فيه القمر

يفضل دائماً انك تصور القمر في أول ساعة من ظهوره للأسباب التالية:

- حجمه كبير

- ما تحتاج لعدسة tele-photo كبيرة البعد البؤري.

- بإمكانك إضافة أي جزء للصورة بكل سهولة ( شجرة – نخلة – عمارة ) لأن القمر في مستوى منخفض في هذه الفترة

إعدادات التصوير

تصوير القمر سهل جداً

كل اللي عليك إنك تثبت الكاميرا على الحامل

توجه الكاميرا للقمر

تسوي أعلى زووم ممكن في كاميرتك

الإعدادات تكون يدوية

سرعة غالق ١/٦٠ إلى ١/٢٥٠ – فتحة العدسة f/8 – آيزو٢٠٠

نصائح عامة

- استخدم أعلى دقة في الكاميرا

- يفضل استخدام الريموت لمنع الاهتزاز

- إذا ما كان فيه ريموت ، استخدم المؤقت .. لتقليل الاهتزاز

- إذا العدسة أو الكاميرا فيها مانع اهتزاز (طــفّـه) لأنه بيسبب اهتزاز

تصويركم للقمر

كثير طبقوا الدرس وشاركونا فيه.

وهنا نشارككم إبداعهم.

مشاركة المصور

الكلمات ‏@fares_alsharekh

مشاركة من المصور

علي الشحي✨ ‏@Alhrizei

مشاركة من المصورة

مصوره مبتدئه ‏@amalabdullah__

صورة للقمر من تصوير المصورة

maram 203 ‏@203Maram

صورة للقمر من تصوير المصور

Gassem AL-Ghazwani ‏@iGassem

مجموع : أضف إلى العربة